फोटो च्यालेन्ज धेंधेंबल्लाय् उत्कृष्ट जूपिं पुरस्किृत

इमेज पार्कं ग्वसाःग्वःगु खुक्वःगु फोटो च्यालेन्ज धेंधेंबल्ला 'मोमेन्ट'य् उत्कृष्ट जूपिंत शनिवाः छगू ज्याझ्वःया दथुइ पुरस्किृत यात ।

शनिवाः येँया पकनाजोलय् च्वंगु तन्त्र रेस्टुरान्टय् जूगु छगू ज्याझ्वःया दथुइ सिरपा लःल्हाःगु खः । धेंधेंबल्लाय् निमित्त शाक्य न्हाप लाःगु खःसा सबिन मर्हजन ल्यू व कबिर बज्राचार्य लियां ल्यू लाःगु खः । सिरपा त्याकूपिंत फोटोग्राफर हरिवंश किरांत हनापौ लःल्हानादीगु खः ।

आपालं किपात दुहांवःगु धेंधेंबल्लाया न्हापांगु चरणय् न्यय्गू किपात सर्ट लिस्ट याःगु खःसा लिपा न्यय्गू किपा मध्ये पाखें उत्कृष्ट ल्ययेगु ज्या जूगु खः । अथेहे धेंधेंबल्लाय् बेस्ट कन्टेम्पोररी फोटोग्राफ प्रतिभा तण्डुकार, मोस्ट पपुलर फोटोग्राफ प्रतिकमान सिंह प्रधान, वेस्ट वर्कशप पार्टिसिप्यान्ट निमित्त शाक्य व वेस्ट इन्टरनेशनल पोर्टिसिप्यान्ट युक्रेनया आनास्तासिया जाभालों त्याकूगु खः ।

इजेज पार्कं थ्वस्वां न्ह्यः नं न्याक्वः तक थज्याःगु फोटो च्यालेन्ज धेंधेंबल्लाय् यायेधुंकूगु दुसाः थुगु संस्थां फोटोग्राफि सम्बन्धी थीथी कार्यशाला गोष्ठी, प्रशिक्षण नापं फोटोग्राफि क्षेत्रय् सुलाच्वंगु प्रतिभायात मालेगु ज्या यानाच्वंगु दु ।

More Stories Like this