थौं देय्न्यंकं नेवाः देय् दबूया झिंन्हय्क्वःगु बुदिं
येँ (सन्ध्या टाइम्स)/नेवाःतय् राष्ट्रिय संगठन नेवाः देय् दबूया १७ क्वःगु बुदिं येँय् नापं थीथी जिल्लाय् थीथी ज्याझ्वः यानाः हनीगु जूगु दु। येँया ज्याझ्वलय् महाविद्यावारिधी उपाधी कायेत ताःलाःम्ह संस्कृतिविद् सत्यमोहन जोशी, थीथी विश्वविद्यालयया उपकुलपतिइ नियुक्ति स्वम्ह नेवाःत, सगरमाथा गःपिं नेवाः नापं थीथी ख्यलय् ज्वः मदुगु योगदान बिउपिं व्यक्तित्वपिंत समारोहय् हनीगु ग्वसाः दु।
ज्याझ्वलय् सांस्कृतिक ब्वज्या नं याइगु ग्वसाः दु। देय् दबूया थीथी जिल्लाय् च्वंगु जिल्ला समन्वय समितितपाखें झापा, सुनसरी, इलाम, मोरङ, धनकुटा, कन्चनपुर नापं थीथी जिल्लाय् नं बुन्हि हनीगु खँ देय् दबूया नायः नरेश ताम्राकारं कनादीगु दु ।
