थःगु सफू थम्हं हे विमोचन
नेपालभाषाया कवि सुरेश किरणया न्हापांगु कविता सफू 'थौं घण्टाघरं जिके ई न्यनाच्वन' म्हिगः पिदन। नेपालभाषाया कविपिनि छगू अनौपचारिक मुनाया दथुइ वय्कःया सफू वय्कः थम्हं हे विमोचन यानाः पित बिउगु खः। च्वसापासापाखें उगु सफू पिदंगु खः। ज्याझ्वलय् च्वसापासाया छ्यांज्ये भूषणप्रसाद श्रेष्ठं सफू प्रकाशन बारे कनादीगु खःसा कविपिं दुर्गालाल श्रेष्ठ, बुद्ध साय्मि, डा. केशवमान शाक्य, प्रतिसरा साय्मि व च्वसापासाया नायः पद्मरत्न तुलाधरं नुगःखँ प्वंकादीगु खः ।
