पौडेलया अडानं बैठक निष्कर्ष विहिन
येँ (सन्ध्या टाइम्स)/न्हूगु संविधानय् दुथ्याइगु राज्य पुनर्संरचनाया लागिं पुनर्संचना आयोग हे दयेकेमाः धकाः कांग्रेसं अडान काःगुलिं थौं सुथय् च्वंगु बैठक नं विना निष्कर्ष क्वचाःगु दु। सुथय् ८ बजेनिसें २ घण्टा तक राज्य पुनर्संरचनाया सवालय् सहमति ब्वलंकेगु नितिं संविधानसभाया संवैधानिक समिति अन्तर्गत उपसमितिया बैठक च्वंगु खः। बैठकय् अप्वः यानाः दलतय्सं विवाद ज्यंकेत आः राज्य पुनर्संरचनाया सवालय् विज्ञतय्गु प्राविधिक पुचः दयेकाः वनेमाः धकाः मत तःगु खःसा कांग्रेसया नेता रामचन्द्र पौडेलं धाःसा आयोग हे दयेकेमाः धकाः अडान तयेवं बैठक निष्कर्षविहिन जूगु खः ।
