थौं पुस्तकालय दिवस

येँ (सन्ध्या टाइम्स)/थौं प्यक्वःगु पुस्तकालय दिवस थीथी ज्याझ्वः यासें हनाच्वंगु दु। नेपाल पुस्तकालय संघ व केशर पुस्तकालयया संयोजनय् थुगु दिवस हनेत शिक्षा मन्त्रीया संयोजकत्वय् ११ सदस्यीय मूल समारोह समिति नं दयेकूगु दु। नेपालय् पुस्तकालय स्थापना जूगु निगू शताब्दी पुलेधुंकूगु दु। वि. सं. १८६९ भदौ १५ गते तत्कालीन जुजु गिर्वाणयुद्ध विक्रम शाहया पालय् प्राचीन सफू मुंकेगु ज्या याःगु तथ्य लुयावःगुलिं २०६५ सालंनिसें भदौ १५ गतेयात पुस्तकालय दिवन कथं हनेगु सुरु याःगु खः ।