प्रचण्ड-जयन्त खँल्हाबल्हा

येँ (सन्ध्या टाइम्स)/नेपाःया निंतिं न्हूम्ह भारतीय राजदूत जयन्तप्रसादं थौं न्हापांखुसी एकीकृत माओवादीया अध्यक्ष प्रचण्डयात नापलानाः खँल्हाबल्हा यानादिल। राजदूत जयन्तप्रसाद थौं सुथय् प्रचण्ड निवास नयाँ बजारय् वनाः नापलानादीगु खः। उगु इलय् नेपाः व भारतया स्वापू, शान्ति व संविधान नापं सरकारया बारे सहलह जूगु खः। थुगुसी माओवादी उपाध्यक्ष डा. बाबुराम भट्टराई प्रधानमन्त्री जुयादीवं भारतीय प्रधानमन्त्री डा. मनमोहन सिंहं तुरुन्त हे पौ च्वयाः भारत भ्रमण ब्वनापौ बिउगु खः ।