नेवाः राज्य माग यासें जुलुस व सभा
किपू (सन्ध्या टाइम्स)/नेवाः स्वायत्त राज्यया माग यासें नेवाः स्वायत्त राज्य मंकाः परिषद् किपूपाखें म्हिगः बहनी किपुली जुलुस नापं सभा यात। प्रहरी चौकी खासीबजारय् याःगु सभाय् मंकाः परिषद्या नायः पुचःया दुजः नापं नेपाः राष्ट्रिय पार्टी किपूया नायः कृष्णहरी महर्जनं किपुली नं नेवाः विरोधीत दुगुलिं इमित पतिं धस्वाकेमाःगु ई वल धयादिल।अथे हे नायः पुचःया मेम्ह दुजः एमालेया स्थानीय नेता नजरराम महर्जनं नेवाः स्वायत्त राज्य मवःतले आन्दोलन जारी हे जुइगु ख्याच्वः बियादिल ।
