नेवाः एफ.एम. १०६.६ मेगाहर्जय् 'लकस' ज्याझ्वः [अडियो]

भाषा साहित्य व संस्कृतिया सः नेपालभाषा एकेदमिया न्ह्यब्वया नेवाः एफ.एम. सच्छि व खु फुति खु मेगाहर्जया लागि संचार नेपालया न्ह्यब्वया 'लबु' ज्याझ्वः दुने न्हियांन्हिथं सुथसिया ७:३० ताः इलंनिसें ८:०० ताः ई तक न्ह्याइगु ज्याझ्वः ख: 'लकस' । थुगु ज्याझ्वः समसामयिक विषययात कःघाना व विषयनाप स्वापू दुम्ह छम्ह पाहाँलिसेया खँल्हाबल्हा न्ह्यब्वयेगु खः ।

थौंया थुगु 'लकस' ज्याझ्वलय् १६क्वःगु एशियाली कासाय् नेपाःपाखें छगूजक ऐतिहासिक पदक ल्हाःतय् लाकेत ताःलाःम्ह बक्सर कासामि भाजु दिपक महर्जन पाहाँ कथं झायादीगु खः ।

वय्क: नेपाल स्पोर्टस जर्नलिस्ट फोरमं न्ह्यब्वयाच्वंगु पल्सर प्लेयर अफ यएर २०६७ स न्याम्ह कासामिपिं‌‌‌‌‌ मध्ये नोमिनेशनय् लानाच्वंम्ह छम्ह बक्सर कासामि नं खः ।

भाजु लक्ष्मी कुमार महर्जन 'उदासं' न्ह्याकादीगु थुगु ज्याझ्वः पूवंक न्यनेत क्वय्च्वंगु प्लियरय् क्लिक यानादिसँ ।

More Stories Like this