छुं ई 'पिउ अले स्व'

येँ (सन्ध्या टाइम्स)/एकीकृत माओवादीया नेता डा. बाबुराम भट्टराईया नेतृत्वय् न्हूगु सरकार दयेकेवं विपक्षीइ लाःवंगु तःधंगु दलत नेपाली कांग्रेस व नेकपा (एमालें) थःपिं आः छुं ईया निंतिं 'पिउ अले स्व' नीति ज्वनाः सरकारया ज्याखँ स्वयाच्वनेगु खँ धाःगु दु। कांग्रेस व एमालें पार्टीया आधिकारिक धारणा छुं हे मबिसे छुं ई लिपा जक वर्तमान सरकार बारे थःपिनि धारणा पित बीगु कथं 'पर्ख र हेर' नीति ज्वनीगु खँ कांग्रेसया छम्ह नेतां थौं सुथय् 'सन्ध्या टाइम्स' यात जानकारी बियादीगु दु ।