कन्हसंनिसें इन्द्रचोक फिडे रेटिङ्ग बुद्धिचाल कासा
येँ (सन्ध्या टाइम्स)/इन्द्रचोक क्लबया ग्वसालय् कन्हसं निसें फिडे रेटिङ्ग बुद्धिचाल कासा न्ह्यायेत्यंगु दु। स्वीस लीग प्रणाली कथं गुंगू चरण तक न्ह्याइगु कासाय् न्हापयात ११,०००/-, लिउयात ८,०००/-, लियां लिउयात ६,०००/- तका नगद पुरस्कारया व्यवस्था यानातःगु दु। अथे हे प्यंगूगु निसें झिगूगु थासय् तक लायेत सफल जूपिंत नं नगद पुरस्कारया व्यवस्था यानातःगु दु ।
अनरेटेडपाखे न्हापयात निद्वः, लिउयात झिंन्यासः तका सिरपाःया व्ववस्था यानातःगु दुसा २५ वडा दुनेया उत्कृष्ट कासामियात नीन्यासः व ख्वीदँ च्वय्या भेट्रान कासामियात झिंन्यासः तका सिरपाःया बीगु व्यवस्था यानातःगु दु। उत्केष्ट झिगूगु थासय् वयेत सफल कासामिपिंत नगद सिरपाःया लिसें सिल्ड नं बीगु व्यवस्था दुगु ग्वसाः खलकं जानकारी बिउगु दु ।
विश्व बुद्धिचाल महासंघ फिडे व नेपाल बुद्धिचाल महासंघया स्वीकृतिं अन्तर्राष्ट्रिय मान्यताया रेटिङ्गयात नं कासाय् मान्यता बीगु जूगु दु ।
