ख्वपय् नं नेवाः स्कूल
ख्वपया श्री जागृति माध्यमिक विद्यालयय् नेवाः भाय्या कक्षा नं न्ह्याइगु जूगु दु। विद्यालय व्यवस्थापन समितिया नायः ज्ञानेन्द्रमान श्रेष्ठया पहलय् 'नेवाः वस्ती नेवाः स्कूल अभियान' नाप सहकार्य यानाः नर्सरी तगिंनिसें नेवाः भाय् ब्वंकेगु तयारी जुयाच्वंगु दु ।
नेवाः कक्षा न्ह्याकेया निंतिं माःगु पाठ्यसफू, पाठ्यक्रम व प्राविधिक ग्वाहालि 'नेवाः वस्ती नेवाः स्कूल अभियान' पाखें उपलब्ध याइगु जूगु दु। नेवाः भाय् ब्वंकेगु सम्बन्धय् स्यनामिया निंतिं मोदर्न नेवाः इंगलिस स्कूलय् आवश्यक तालिम न्ह्यायेधुंकूगु दु ।
