ख्वपय् दिपंकरपिंत पञ्चदान

ख्वप (सन्ध्या टाइम्स)/भाद्रकृष्ण त्रियोदशि कुन्हु म्हिगः थन नं तःजिक पञ्चदान न्यायेकल। म्हिगः ख्वपया न्यागू विहारं पिहां वःगु दिपंकरपिंसं थीथी बौद्ध विहार व देय्या थीथी लागा चाःहिलेगु ज्या याःगु खः। म्हिगः सुथय् थनया सूर्यमढीया आदिपद्म विहारय् वयाः छथासं मुंगु खःसा अन हे स्थानीय मनूतय्सं पञ्चदान बीगु ज्या याःगु खः। दिपंकर बुद्धयात पञ्चदान यायेधुंकाः मेपिं शाक्य व वज्राचार्यपिंसं पञ्चदान फयेगु ज्या जुइ। थ्व दिपंकरपिं प्रशन्नशील महाविहार, झौरवही महाविहार, चतब्रह्म महाविहार, थथुबही महाविहार व कथुबही महाविहारं पिहां वइगु खः ।