कृष्णभक्त चौगुठी मंगलेचा मंत

ख्वप (सन्ध्या टाइम्स)/वि.सं. २०२५/२६ सालय् ख्वपय् भ्रष्टाचार यात धकाः अःखः तपुलिं पुइकाः देय् चाःहीकूम्ह ख्वपया पुलांम्ह जिल्ला पंचायत सभापति कृष्णभक्त चौगुठी (मंगलेचा) ८५ दँया बैशय् मंत। ताःइलंनिसें उसाँय् मदुम्ह वय्कः वंगु कृष्ण अष्टमिकुन्ह न्हिनय् थःगु हे छेँय् चिया त्वनाच्वँच्वं बेहोस जूगु खःसा अस्पताल यंकूबलय् अन हे मदुगु घोषणा जूगु खः। वय्कःया स्वम्ह म्ह्याय् व स्वम्ह काय दी ।