प्यक्वः जंक्व जूम्ह छलमाया शाक्य मंत
ख्वप (सन्ध्या टाइम्स)/प्यक्वः जंक्व सिधःम्ह १०२ दँया मय्जु छलमाया शाक्य मंत। वडा ४ य् च्वंम्ह वय्कः नेपाल मेडिकल कलेजय् प्यन्हु न्ह्यवंनिसें कोमाय् लानाच्वंगु खःसा म्हिगः सनिलय् मदुगु खः। थौं हे कान्छाम्ह काय रुपरत्न शाक्यं मि तयाः वय्कःया अन्तिम संस्कार जुल। वय्कःया म्ह्याय् निम्ह व काय प्यम्ह दुसा कायपिं प्यम्हेसियां ज्याजंक्व जुइधुंकल ।
