सिठ्ठी पुयाः मसाल जुलुस
येँ (सन्ध्या टाइम्स)/नेवाः स्वायत्त राज्य मंकाः संघर्ष समितिं भाद्र १३ गते तक न्ह्याकेगु संघर्षया ज्याझ्वः घोषणा याःगु दु। थ्व झ्वलय् भाद्र ९ गते रत्नपार्कया शान्ति बाटिकां सनिलया ६ बजे सिठ्ठी सहित मसाल जुलुस पिकाइगु ज्याझ्वः दु। अथेहे भाद्र १० गते यलध्वाखां सनिलया ६ बजे सिठ्ठी सहित मसाल जुलुस, भाद्र ११ गते ख्वपया नगदेश व बोडे वनेगु दोबाटोय् वहे इलय् सिठ्ठी सहित मसाल जुलुस व भाद्र १३ गते किपूया खासी बजारं सिठ्ठी सहित मसाल जुलुस पिकायेगु ज्याझ्वः दयेकूगु दु। संघर्ष समितिं भाद्र १४ गते दुने हे नेवाः स्वायत्त राज्य सहितया न्हूगु संविधान जारी यायेमाःगु माग यासें थ्व संघर्ष यायेत्यंगु खः ।
