चलखं ल्हानाः खुम्ह सित

येँ (सन्ध्या टाइम्स)/मदिक्क वा वयाच्वंगुलिं चलखं ल्हानाः थौं सुथय् रुकुम व सल्यानय् खुम्ह मनू सीगु दु। उकी लानाः रुकुमय् प्यम्ह व सल्यानय् निम्ह सीगु खः। रुकुमय् निखा छेँ चलखं ल्हानाः यज्ञ बहादुर ओली सहित प्यम्ह सीगु खःसा मेपिं न्याम्ह घाःपाः जूगु दु। अथे हे सल्यानय् चलखं ल्हानाः नन्दलाल ओली व मुखिराम ओली सीगु खः। चलः वनाः उगु लागाया छगू दर्जनं मल्याक छेँ दुनीगु अवस्थाय् लानाच्वंगु दु । उद्धार यायेत प्रहरी अन थ्यनेधंकूगु दु ।