भदौ ८ गते प्रधानमन्त्री निर्वाचन
ये (झीगु स्वनिगः)
ब्यवस्थापिका संसदं प्रधानमन्त्री ल्ययेगु नितिं वइगु भदौ ८ गते निर्वाचन प्रक्रिया न्ह्याकीगु जूगु दु । राष्ट्रपतिं क्वःछ्यूगु ई दुने सहमति मजुल धाःसा तत्काल प्रधानमन्त्रीया निर्वाचनया नितिं प्रक्रिया न्ह्याकेगु सचिवालय श्रोतं जानकारी ब्यूगु दु ।
सहमतीय सरकार नीस्वनेगु नितिं राष्ट्रपति डा. रामवरण यादवं ब्यूगु ई कन्हय् क्वचायेत्यंगु दु । प्रधानमन्त्री निर्वाचन प्रक्रियाया कार्यतालिका भदौ ८ गते सुथय् च्वनीगु संसदया कार्यब्यवस्था समितिं क्वःछी । थुगुसीया निर्वाचनं प्रधानमन्त्री चयन मजुइगु प्रावधान अन्त्य यासें अप्वलय् स्वक्वः तक मतदानं प्रधानमन्त्री निर्वाचित जुइगु ब्यवस्था याःगु दु ।
