लिबियाय् विद्रोहीतय् लक्ष्य आः त्रिपोली

लिबियाया शासक कर्णेल मोउमार गद्दाफी विरुद्ध संघर्षरत विद्रोहीतय्सं आः राजधानी त्रिपोलीयात मुख्य लक्ष्य दयेकूगु दु । त्रिपोलीया मध्यभागस्थित ग्रीन स्क्वायर क्षेत्रयात इमिसं नियन्त्रणय् काःगु दु । सरकारया प्रवक्ता मुसा इब्राहिमं थ्व खँया पुष्टि याःगु दु ।

जःखःया शहर कब्जा यानाः विद्रोहीत राजधानी त्रिपोलीइ दुहाँवंगु बीबीसीं जानकारी ब्यूगु खः । उमिसं शासक मोउमर गद्दाफीया काय् सैफुल ईस्लामयात ज्वनागु दाबी याःगु दु । तर थुकिया स्वतन्त्र पुष्टी जुइफुगु धाःसा मदुनि । राजधानी त्रिपोली कब्जा यायेगु लक्ष्यय् दुपिं विद्रोही व उकियात पनेत सरकारी सेना दथुइया ल्वापुइ छन्हुं हे म्होतिं झिंस्वसः मनूत सीधुंकूगु दुसा मेमेपिं न्याद्वः स्वयाः आपालं मनूत घाःपाः जूगु दु ।

थ्वहे दथुइ गद्दाफीं त्रिपोलीया सुरक्षाया नितिं ल्वाभः कयाः दनेत थः समर्थकतय्त इनाप याःगु खः । त्रिपोली विद्रोहीतय्गु नियन्त्रणय् वंसा आम जनता प्रुान्सेलीतय्गु दास जुइगु धासें ल्वापुइ कुहाँवयेत फुक्कसित इनाप नापं याःगु खः । अमेरीका, फ्रान्स व बि्रटेन लिसेया देय्या ल्वाभः आर्थिक लिसे प्राविधिक ग्वाहालिइ ल्वापु यानाच्वंिपं विद्रोहीतय्सं थ्यंमथ्इं न्याला न्ह्यःनिसें िहंसात्मक संघर्ष न्ह्याकाच्वंगु दु । थुगु गृहयुद्धया झ्लवय् द्वलंद्वः मनूतय्गु ज्या नापं वनेधुंकूगु संचार माध्यमपाखें जानकारी ब्यूगु खः ।

More Stories Like this