तिमिलां सताच्वन
रजमाइल श्रेष्ठ
चकं सर्गःया तिमिलां स्वयाच्वन,
निम्हं याकः जूगुया लसताय् कुलिं चिनेत ब्वनाच्वन ।।
दुःख सुखया खँ ब्याकेमखनाः तिमिला उइँ जुइन हँ,
धर्तीइ जि नं याकः जुइवं हालत जिगु नं अथे हे जुइ हँ
उकिं तिमिलां सताच्वन, त्वाय् चिनेत ब्वनाच्वन ।।
याकः जीवन गुलि झ्यातु, थ्व खँ सकतां तिमिलां स्यू,
च्वच्वं थाय् च्वने मयइगु, उकिं ला तिमिला भन्न जुइगु,
ह्वाँय् ह्वाँय् ख्वख्वं ख्वये मफुत, सः हे नुगलं थ्वयेमफुत
उकिं बफरां सताच्वन, खँ ब्याकेत ब्वनाच्वन ।।
प्रिय विना जीवन शुन्य, ख्वख्वं म्वायेगु निर्जीव तुल्य
आःला जि नं शुन्य जुइ, वेदनाय् म्वाम्वां सः हे सुइ
थ्व खँ तिमिलां जितः धाःगु, न्ह्याथे जूसां म्वायेमाः धाःगु
उकिं ला तिमिलां सताच्वन सजिवता हयेत ब्वनाच्वन ।।
Related Stories
क्यानभासMore Stories Like this
मांया ख्वाः स्वये नेवाः हाइकु निलापौ नेवाः हाइकु निलापौ नेवाः हाइकु निलापौ नेवाः हाइकु निलापौ
