अखिलं देय्न्यंकं जिल्ला प्रशासन घेराउ याइगु
येँ (सन्ध्या टाइम्स)/वर्तमान कामचलाउ सरकारया नेतृत्व यानाच्वंगु एमालेया भातृ संगठन अनेरास्ववियुया कार्यकर्तातय्सं शान्ति व संविधान सुनिश्चितताया नितिं दबाव बीत थौं देय्न्यंकंया जिल्ला प्रशासन कार्यालय घेराउ यायेगु ज्याझ्वः तःगु दु ।
अखिलया विद्यार्थीतय्सं थौं ७५ गुलिं जिल्ला प्रशासनया कार्यालयय् निघौ तक धर्ना च्वनेगु जुइ धाःगु दु। अथे हे शान्ति व संविधानया निंतिं धकाः १२ घण्टे भोक हडताल याना वयाच्वंगु महिला दबाव अभियानं देय्न्यंकं हे पदयात्रा याइगु जूगु दु ।
भदौ १ गतेनिसें भोक हडताल ग्वसाः ग्वया वयाच्वंगु महिला दबाव अभियानं कन्हय् निसें हडताल नाप नापं पूर्वया इलाम व सुदूरपश्चिमया डडेलधुरा लागां छक्वलं हे उगु पदयात्रा न्ह्याकेगु जुइ धाःगु दु ।
