लुँया भाः घौछि घौछिं वृद्धि

येँ (सन्ध्या टाइम्स)/लुँयागु भाः थहां वनेगु क्रम थौकन्हय् थुलि तीव्र गतिं न्ह्यानाच्वंगु दु कि थौं ला नेपाल सुनचाँदी व्यवयासी संघं भाः कायम यानाः थः दुजःतय्त पर्चा छ्वयाच्वँच्वं हे अन्तर्राष्ट्रिय बजारय् न्हूगु भाः वयेधुंकल। थौंया बजारय् नं लुँया भावं न्हूगु कीर्तिमान कायम यासें तोलां ५३,४०० तका थ्यंगु दु। तर संघया सूत्रं धाः कथं थ्व भाः थौं सुथय्यागु खः। न्हिनय् १ बजे हानं भाः थहां वनेधुंकूगु दु तर उकियात निर्धारण जक मयाःनि। बजाः अस्थिर जुयाच्वंगुलिं संघं न्हूगु भाः कायम यायेत ई पियाच्वंगु खँ धाःगु दु ।