परिषदया छेँयात विशेष संग्रहालय दयेकीगु

झी कविकेशरी चित्तधर हृदय थौंकन्हय् सछि व स्वदँ क्यनेधुंकूगु दु । वय्कलं नेपालभाषा परिषदयात दान बियातःगु छेँ थौंकन्हय् भारतीय सरकारया आर्थिक ग्वाहािलं पुनःनिर्माण जुयाच्वंगु दु । उगु ज्या नं ६० प्रतिशत क्वचाःगु नेपालभाषा परिषदं धाःगु दु । आः याकनं हे उगु छेँ पुलांगु शैलीं न्हूगु ढंगं तयार जुइ । उगु छेँयात छगू विशेष संग्रहालय दयेकेगु बिचाः नेपालभाषा परिषदं यानाच्वंगु दु । उगु छेँ चित्तधर ुहृदयु व वय्कःया हे केहेँ मोतिलक्ष्मी उपासिका बूगु व तःधिकः जूगु छेँ जुयाः आः उकियात नं चित्तधर ुहृदयु व मोतिलक्ष्मी उपासिकाया संग्रहालय कथं विकास यायेगु सोच नेपाल- भाषा परिषदं दयेकाच्वंगु दु ।

सग्रहालय वय्कलं छ्यलीगु थीथी सामान वय्कःयात उपहार वःगु थीथी सफूया लिसें व वय्कलं हे च्वयातःगु हस्तलिखित सफूया लिसें पौभाःत नं ब्वइगु ग्वसाः दु ।

चित्तधर ुहृदयु छम्ह नांजाःम्ह ल्हासा साहुया काय नं खः । अथे जुयाः ल्हासा साहु उराय् तय्सं छ्यलीगु थीथी कथंया सामानत नं अन ब्वइगु जूगु दु । संग्रहालय अनुसन्धान याईपंत तसकं हे ज्या वःगु अनुसन्धान केन्द्र कथं नं विकास यायेगु ताः तयातःगु दु ।

नेपालभाषा परिषदं ततःधंगु खँ जक मल्हासे धमाधम ज्या नं यानाच्वंगु दु । चित्तधरया सछिदँ बुिदंया लसताय् चित्तधरं दान यानावंगु परिषदया छेँ ल्ह्वनेगु प्रोजेक्ट हःगु खः । उगु प्रोजेक्टयात भारतीय राजदूतावासया ग्वाहािलं पूवंकेगुली नविन चित्रकार नापं परिषदया दुजःत सकि्रय रुपं लगे जुइवं नेपाल सरकारया मातहतय् बजेट हे व्यवस्था यानाः पूर्ण रुपं हे पुनःनिर्माणया ज्या न्ह्याःगु खः । तर थज्याःगु महत्वपूर्ण ज्या तक नं परिषदं उलि तःधंगु कथं प्रचार धाःसा मयाः । रेडियो नेपाल नेपाल टेलिभिजन थेंज्याःगु साचार मध्यमय् समाचार व वृत्तचित्रत क्यनेया लािगं जक ज्या यायेगु नं परिषदं मस्वः । वास्तवय् समाचारया लोभं परिषद्या वार्षिक सिरपाः इनेज्या ज्याझ्वलय् मन्त्री व सभासद्त सःताः जुइगु नं परिषदं गबलें मस्वः । बरु समाजय् ध्याकुनय् लानाच्वंिपं व्यक्तित्वतय्त हे हयाः थःपिनि गौरव तायेकेगु यानाच्वंगु दु । थ्व झ्वलय् थुगुसी थीथी कथं मचा साहित्य लागाय् ज्वःमदुगु योगदान यानाः नं छंु कथं प्रचार प्रसारय् मवयाच्वंम्ह व्यक्तित्व शान्तदास मानन्धरयात मूपाहां यानाः िझंगुक्वःगु चित्तधर सिरपाः लःल्हायेगु ज्याझ्वः दयेकूगु खः । ज्याझ्वलय् सम्मानित व्यक्तित्व अश्वघोष महास्थविर ३ ताः इलय् इर्ं बियातःगु खःसां ई स्वयां न्हापालाक हे बिज्याये धुंकूगु खः । नापं पुरस्कृत प्रतिभा मुनीन्द्ररत्न वज्राचार्य नं इलय् हे थ्यंकादीगु खः । ख्वपं झायेमाःगुिलं जामय् लानाः नं जुइ बयोबृद्ध व्यक्तित्व रत्नगोपाल साँय्जू धाःसा ई स्वयां भचा लिबााक थ्यंगु खः । तर गाडी हे रिजर्भ यानाः वःगुिलं उलि लिबा धाःसा मजुल । भाषा सेवाय् दुनं दुनं दुग्यंगु ज्या याना वयाच्वंिपंत हे जक मूपाहां कथं सःतेगु यानाच्वनागु रहस्य धाःसा परिषदया नायः फणीन्द्ररत्न वज्राचार्यं दबुिलं हे खुलासा यानादीगु खः ।

फणीन्द्ररत्न बज्राचार्यया सभापतित्वय् परोपकार उच्च मावि िभंद्यः त्वालय् जूगु उगु ज्याझ्वलय् मूपाहां शान्तदास मानन्धरं रत्नगोपाल साँय्जुयात चित्तधर सिरपाः मुनीन्द्ररत्न वज्राचार्ययात ठाकुरलाल सिरपाः व मानार्थ भाषाथुवाः उपाधि भिक्ष्ा अश्वघोष महास्थविरयात लःल्हानादीगु खः । वय्कलं नेपालभाषाय् समर्पित संस्थातय्सं भाषा म्वाकेगु िनंितं भविष्य सिबें नं वर्तमानयात हे ध्यान तयेमाः धयादिल । भिक्ष्ा अश्वघोष महास्थविरं ला थःत मति हे मवं कथं थुगु सिरपाः बिउगु धकाः न्ववानाबिज्यात । कविकेशरी चित्तधर ुहृदयुया सछि व स्वदँ बुिदं हने कथं नेपालभाषा परिषदं ग्वसाः ग्वःगु उगु ज्याझ्वलय् सिरपाःया दाता पद्मज्योतिपाखें च्वयेगु ज्यायात तिबः बीगु खँ कनादिल । अथे हे सम्मानित व पुरस्कृत व्यक्तित्विपं भिक्ष्ा अश्वघोष महास्थविर चित्तधर सिरपाः त्याकादीम्ह रत्नगोपाल साँय्जु व निबन्धकार मुनीन्द्ररत्न वज्राचार्यिपंसं नेपालभाषाया साहित्यकार व कलाकारिपंसं याना वयाच्वंगु दुःख कष्ट बारे कनादिल ।

ज्याझ्वलय् नेपालभाषा एकेडेमिया चान्सलर सत्यमोहन जोशी नेपाल साहित्य मन्दिरया नायः तिलकप्रकाश कायस्थ नेवाः देय् दबूया संरक्षक लक्ष्मण राजवंशी परोपकार उच्च माविया प्राचार्य व साहित्यकार हितकरवीरिसंह कंसाकार नेपालभाषाया नांजाःम्ह साहित्यकार रामशेखर नकःमि
विराट नेपालभाषा साहित्य सम्मेलन गुथिया नायः त्रिरत्न शाक्य नापं आपालं विशिष्ट स्तरया मनूतय्सं हल खचाखच जायेक उपस्थित जूगुिलं सकलें सम्मानित व्यक्तित्व-िपंत उत्साहित हे याःगु दु ।

More Stories Like this