छम्ह पराजित उम्मेदवारया यात्रा

सुरेश मानन्धर
पदलोलुपता मौकापरस्त सिद्धान्तहिनता योजनाविहिनता आदि आदि थेंज्याःगु तत्वत फुक्क छगू मिक्स्चरय् तयाः संकल धाःसा उिकं पिहां वइगु जुसया नां शायद माधव नेपाल हे जुइ । तापाक वने म्वाः । संविधान-सभा चुनाव धुंकाःया घटनाक्रम जक स्वत धाःसां नं उगु जुसया पाउँगु सवाः झीगु म्हुतुइ वयेधुंकी ।

संविधानसभाया चुनाव तक थ्यंबलय् एमालेया बजाः गुलि कुहां वनेधुंकल धइगु खँ तत्कालिन महासचिव माधव नेपालं पटक्क हे मसिउ । उिकं एमालें थःगु हे बहुमत वइगु फय्गं अनुमान यासें पार्टीया घोषणापत्रय् सहमतीय सरकार दयेकेगु मधासे सुयागु बहुमत वल वयागु हे नेतृत्वय् सरकार गठन यायेगु जुइ धकाः च्वल । तर चुनावय् एमालें बहुमत हयेगु ला खँ हे त्वःते स्वयम पार्टीया महासचिव तकं निगू निगू थासं बुत । निगू थासं बुइ- सातकि नैतिकता क्यने थें वय्कलं महासचिव पदं राजीनामा बियादिल । तर वय्कलं राजी-नामा बियादीगु चुनावय् बूगुया नैतिकता क्यनेत मखुसें एमालेंे तत्काल सरकार गठन याइगु सम्भावना मदुगुिलं धकाःसा जुयाच्वन ।

चुनावय् बूसां राष्ट्रपति ल्ययेगु इलय् धाःसा वय्कःया नां नं उम्मेदवार कथं चर्चाय् वल । वय्कलं म्हाः धयामदी । तर माओवादीं राष्ट्रपति दयेकेगु खःसा माधव नेपाल मजिउ मेम्ह उम्मेदवार बिउ धकाः एमालेयात इनाप यात । अझ जिउसा साहना प्रधानया नां बियादिसँ तकं धाल । तर एमालें लिसः बिया छ्वत जिमिगु पार्टीया उम्मेदवार तोके यायेगु अधिकार माओवादीयात मदु । थ्व ला जिमिगु पार्टीइ याःगु हस्तक्षेप जुल । माओवादीं धाःम्ह उम्मेदवार जिमिसं बी फइ मखु ।

एमालें बरु राष्ट्रपति जुइगु अवसर हे त्वःता छ्वत माओवादीं धाःम्ह धकाः साहना प्रधानयात उम्मेदवार मदयेकू ।

आः नेपाली कांग्रेसया सभापति गिरिजा प्रसाद कोइरालां एमालेया माधव नेपालयात प्रधानमन्त्री दयेकि धकाः प्रस्ताव यानादिल । प्रस्तावित जूम्ह व्यक्ति माधव नेपाल जुइसातकि गिरिजाया प्रस्ताव पार्टी दुने जूगु ुहस्तक्षेपु मजुल । उकियात सहर्ष स्वीकार यात । आः एमालेया नेता माधव नेपाल कांग्रेसया उम्मेदवारजुयाः प्रधानमन्त्री जुइत्यंगु दु । माओवादीं साहना प्रधानया नां प्रस्ताव याःबलय् व हस्तक्षेप जुल आः कांग्रेसं माधव नेपालया नां प्रस्ताव याःबलय् व सदासय जुल । हस्तक्षेप व सदासयताया व्याख्या याइगु थःगु हे तालया मेशिन दुगु जुयाच्वन एमालेयाके ।

संविधानसभाया चुनाव लिपा एमालेया महाधिवेशन जुल । नकतिनि निगू निगू थासं चुनाव बूम्ह मनू वय्कलं ला पार्टीया चुनावय् तकं दनेगु आँट यानामदिल । वय्कलं धयादिल सर्वसम्मत जूसा जि दने मखुसा चुनाव ला ल्वाये मखु । वय्कः चुनाव ल्वानामदी । बरु मेम्ह उम्मेदवार खड्ग ओलीयात समर्थन याना-दिल । तर दुर्भाग्य वय्कःपाखें समर्थित खड्ग ओली नं बुत । बिचरा माधव नेपाल वय्कः चुनाव ला ल्वानामदी तर मल्वाःगु चुनावय् नं वय्कः पराजित जुयादिल ।

पार्टीया चुनावय् ुपराजितु जूसां वय्कः सामान्य दुजः पदय् च्वनेत धाःसा तयार जुया मदी । वय्कलं पार्टीया सर्वोच्च पद हे ताके यानादिल । फलतः वय्कः एमालेया नवसिर्जित ुवरिष्ठ नेताु धइगु पदय् नियुक्त जुयादिल । पाय्छि अध्यक्षया क्वसं ।

पार्टी दुने वरिष्ठ नेताया पद कायेधुंकाः वय्कःया मिखा हानं छक्वः संविधानसभापाखे वन । राजनीतिक समीकरण मिले यायेगु लािगं माओवादीं वय्कःयात संवैधानिक समितिया सभापति दयेकेगु प्रस्ताव हल । प्रस्ताव हःगु वय्कःया लािगं खः उिकं एमालें उकियात नं ुबाह्य हस्तक्षेपु मधासे सहर्ष स्वीकार यात । अले थःगु हे पार्टीया छम्ह सभासद्- यात बलि बियाः वय्कः संविधानसभाया दुजः जुयादिल । माओवादीं वय्कःयात सदासय-पूर्वक संविधानसभाया सभापति दयेकेत सभासद् मनोनित याःगु खः । तर सभासद् जुइधुंकाः माधव नेपालया महत्वाकांक्षा गुगुं छगू समिति दुने जक सीमित जुइ मखु धइगु खँ माओवादीं छु सिउ । प्रधानसेना-पति प्रकरणय् माओवादीयात अविश्वासया प्रस्ताव तयाः चीकेगु व वयां लिपा माधव नेपालयात प्रधानमन्त्री दयेकेगु रणनीति कांग्रेसया ज्याकुथी तयार जुल । कांग्रेसया उगु प्रस्तावयात माधव नेपालं मजिउ मधाः । पात थुलि हे जक कि माओवादी सरकारयात अविश्वास प्रस्ताव तयाच्वनेम्वाःल प्रचण्ड थम्हं हे राजीनामा बिया बिल । वयां लिपा माधव नेपालया प्रधानमन्त्री पदपाखेया यात्रा आरम्भ जुल । माधव नेपालयात प्रधानमन्त्री दयेकेमाःगु बिचाः न्ह्यब्वसें गिरिजाप्रसाद कोइरालां तर्क तल देशय् लोकतान्त्रिक गणतन्त्र पलिस्था यायेगु ज्याय् माधव नेपालया नं योगदान दु वय्कःयात उगु योगदानया कदर कथं नं प्रधानमन्त्री दयेकेमाः ।

खतुं चुनावय् बूम्ह मनूयात संवै-धानिक समितिया सभापति दयेकूगु नं छगू कथं योगदानया कदर हे खः । तर माधव नेपालया िनंितं समितिया सभापति जुयाः गणतान्त्रिक संविधान दयेकेगु तःधंगु ज्या मजुल प्रधानमन्त्री जुयाः कुसर्ीइ प्यपुनेगु तःधंगु ज्या जुयाबिल । उिकं संवै- धानिक समितिया कुसर्ीयात लाकमं च्वानाः वय्कः प्रधानमन्त्री जुइत न्ह्यचिलादिल ।

थ्व सरकारया आयु स्वलां अप्वः प्यला हे जुइ मखु धकाः स्वयम् गिरिजां नं धया-च्वंगु दु । स्वला लिपा जब माधव नेपाल कुसर्ीं कुहां वइ वय्कःया ल्हातय् संवैधानिक समितिया सभापति नं दइ मखु । अले उगु इलय् चुनावय् बुनाः नं संविधानसभाय् जुयाच्वंगु वय्कःया उपस्थिति केवल पदलोलुपताया छगू गजबगु नमूना व लय् ४५ हजार भत्ता पचे यायेगु छगू अचुक साधन स्वयां अप्वः मेगु छु जुइ ?

More Stories Like this