लाखे महोत्सव

किपू (सन्ध्या टाइम्स)/नेवाः सांस्कृतिक दबूया ग्वसालय् म्हिगः किपुली लाखे महोत्सव जुल। लाय्कू त्वालय् जूगु स्वनिगःब्यापी ऐतिहासिक लाखे महोत्सव नापं सांस्कृतिक ब्वज्याय् किपू, पांगा, तोखा, फँपि, यल, च्वबाहाः नापं थीथी थासय् च्वंगु दर्जनौं लाखे प्याखं हुइकेगु ज्या जूगु खः। ख्वपया घिंतांकिसि प्याखं नं न्ह्यब्वःगु उगु महोत्सव निन्हु यंकं याइगु धकाः न्हापा घोषणा याना तःगु खःसां ग्वसाः खलकं शुक्रवाः वा वःगुलिं स्थगित यानाः शनिवाः छन्हु जक ज्याझ्वः याःगु खः ।