हातपात याःगुलिं छगू लाख बं
येँ (सन्ध्या टाइम्स)/लमजुङया नापसं च्वंगु उत्तरी तनहुँया रुपाकोट लागाया राष्ट्रिय माध्यमिक विद्यालयया मिसापिं विद्यार्थीतय्त हातपात याःगु द्वपं लाःम्ह शिक्षक कृष्णविलास पौडेलयात १ लाख १० द्वः तका बं पुइकेगु निर्णय जूगु दु। वंगु साउन २७ गते ६ कक्षाय् ब्वनीपिं प्यम्ह विद्यार्थीतय्त हातपात याःगुलिं विद्यालय व्यवस्थापन समिति व स्थानीयवासीया मंकाः भेलां शिक्षकयात बं पुइकेगु निर्णय याःगु खः। विद्यार्थीतय्त हातपात याःगुलिं शिक्षकयात बं पुइकेत्यंगु संभवत थ्व नेपाःया न्हापांगु घटना जुइमाः धाःगु दु ।
