नयेबलय् होश याये

सम्पादकजु

थ्व भारतया कर्णाटक बैंग्लोर य् जूगु घटना खः । झिदँ दुम्ह मचा छम्हेस्यां िझंन्यान्हु न्ह्यः लँय् मियातःगु भुइकटहर न्यानाः नःगु जुयाच्वन । उिकं यानाः व विरामी जुल । लिपा वयागु स्वास्थ्य परीक्षण यानाः स्वःबलय् डाक्टरं वयात ला एड्स जुयाच्वंगु पत्ता लगे यात । वया छेँजःिपंसं थ्व खँ पत्याः याये मफुत । छाय्धाःसां परिवारय् सुयातं नं एड्स जूगु मदु । वयां लिपा डाक्टरतय्सं वयात हानं परीक्षण यात । अले छुं चिज नयागु दु लाकि धकाः न्यन । मचां भुइकटहर लँय् न्यानाः नयागु खँ कन । वयां लिपा तुरुन्त हे मल्या हस्पिटलया छगू पुचः उम्ह भुइकटहर मीम्ह मनूया पसलय् वनाः परीक्षण यात । उमिसं लुइकल कि भुइकटहर मीम्ह मनूया पितंचाय् छकूचा घाः लानाच्वंगु जुयाच्वन । भुइकटहर चाःबलय् हे वयात उगु घाः लाःगु खः । वयागु वहे हि भुइकटहरया फुक्क थासय् फैले जुल । लिपा वयागु हि परीक्षण याःबलय् वयात हे एड्स जुयाच्वंगु सी दत । तर थ्व खँ व थम्हं नं मसिउ । तर दुर्भाग्यवस उकिया लिच्वः छम्ह मचां फयेमाल । भुइकटहर न्यानाः नःगु कारणं एड्स जुइकाः च्वनेमाल ।

उिकं झीसं नं लँय् मियातःगु छुं नं वस्तु न्यानाः नये न्ह्यः बिचाः यायेमाःगु आवश्यकता दु । खास यानाः चक्कुं चानाः मीगु फलफुल वडापाउ पानी पुरी आदि नयेबलय् थ्व खँय् हेाश यायेमाः । थज्याःगु खँ थः पासािपं व थःथितििपंत नं कनादिसँ । सुभाय् ।
तिसा मानन्धर थौंकन्हय् युके

More Stories Like this