राष्ट्रपतियाथाय् केपी ओली
येँ (सन्ध्या टाइम्स)/देशय् न्हूगु सरकार गठन यायेगु तयारी जुयाच्वंगु इलय् लाक्क राष्ट्रपतियात सल्लाह बीगु निंतिं एमालेया नेता केपी ओली म्हिगः राष्ट्रपतिया छेँय् वंगु दु। राष्ट्रपतिं सःता हःगुलिं ओली बहनी राष्ट्रपति निवास दुहां वंगु खः। सूत्रं बिउगु जानकारी कथं वय्कःपिनि दथुइ बहनी ८ निसें ९ बजे तक सहलह जूगु खः ।
उगु इलय् केपी ओलीं यदि माओवादीं शान्ति प्रक्रियाय् वनेगु छुं ज्या हे यानाः क्यन धाःसा वयात सरकार गठन याके बीमाली धइगु बिचाः तयादीगु खँ सूत्रं धाःगु दु। छुं जुयाः बहुमतीय सरकारया लागिं चुनाव जुल धाःसा एमालें रामचन्द्र पौडेलयात भोट बीगु खँ नं वय्कलं कनादीगु खः ।
