मचायात छ्यं त्वाल्हानाः स्यात

सल्यान (सन्ध्या टाइम्स)/थनया कोटमौला गाविस-६ लय् छम्ह मचायात विभत्स ढंगं स्यानातःगु अवस्थाय् लुइकूगु दु। स्थानीय लुमबहादुर डाँगीया १५ दँ दुम्ह काय यमबहादुर डाँगीयात उकथं स्यानातःगु खः। कालिका निम्न माविइ कक्षा ८ य् ब्वनीम्ह यमबहादुरयात थःगु हे छेँ न्ह्यःनेसं च्वंगु हल्लरी सामुदायिक वनया भवनय् स्याना तःगु अवस्थाय् लुइकूगु खः। वयात चुपिं पालाः छ्यं व ल्हाः त्वाल्हानातःगु विभत्स अवस्थाय् लुइकूगु खः। वयात सुनां व छाय् स्यात धइगु खँ आः तक सी मदुनि ।