बन्दं धर्मोदय सभा प्रभावित
येँ (सन्ध्या टाइम्स)/थौं जूगु यातायात बन्दं यानाः बौद्ध संघ संस्थातय् राष्ट्रिय संगठन धर्मोदय सभाया अधिवेशन प्रभावित जूगु दु। थ्वहे वइगु भदौ ३ व ४ गते किपुली यायेगु धकाः ग्वसाः ग्वयातःगु धर्मोदय सभाया अधिवेशनय् पिने जिल्लायापिं प्रतिनिधितय्सं नं ब्वति कायेमाःगु जुयाः यातायात बन्दं वय्कःपिंत लिच्वः लाकी धासें अधिवेशनया सम्पूर्ण ज्याझ्वः हे आःया निंतिं रद्द याःगु खः। धर्मोदय सभां आः मेगु सुचं मवःतलेया लागिं अधिवेशनया ज्याझ्वः मन्ह्याकेगु खँ धाःगु दु ।
उखे धर्मोदय सभाया हे छुं दुजःतय्सं धाःसा अधिवेशन स्थगित जक याःसां गाःथाय् फुक्क ज्याझ्वः हे रद्द याना बिउगुलिं उकिया लिउने षडयन्त्र दु धकाः तं प्वंका हःगु दु। थुगुसी सभाया चुनावय् जूगु उम्मेदवारीयात कयाः विवाद जुयाच्वंगु खः ।
