लुँयागु भाः अझ हे थहां वन
येँ (सन्ध्या टाइम्स)/लुँयागु भाः तोलां ५०,७०० तका थ्यंगु दु। वंगु वालय् तोलां ५०,५०० तका थ्यनाः तःधंगु हे कीर्तिमान याःगु खःसां वयां लिपा हानं भचा कुहां वःगु लुँयागु भाः थौं बजारय् आकाझाकां थहां वनाः तोलां ५०,७०० तका कायम जूवःगु खः। लुँयागु भाः थुलि च्वय् थ्यंगु थ्वहे न्हापांखुसी खः। अन्तर्राष्ट्रिय बजारय् शेयरया भाः कुहां वयाः लुँ न्याइपिं अप्वया वंगुलिं थथे भाः थहां वंगु खः। थ्व खास यानाः अमेरिकी अर्थतन्त्रय् निरन्तर वयाच्वंगु र्हासया लिच्वः कथं लुँयागु भाः थहां वनाच्वंगु खः ।
उखे भाः थहां वंगु कारणं नेपालय् धाःसा तीजया सिजनय् नं लुँवहःया कारोवार ठप्प हे जूवंगु खँ लुँवहः व्यवसायीतय्सं धाःगु दु। लिसें भाः थहां वनाः उपभोक्तातय्त नं तःधंगु मर्का जूगु दु ।
