ङत तुलाधरया दँमुँज्या

येँ (सन्ध्या टाइम्स)/ङत तुलाधरया आजुपति साहुया ५७२ क्वःगु पुण्य स्मृति दिवस व दँमुँज्या जुल। ङत तुलाधरया त्वाःथाकुलि जगतसिद्धि तुलाधरं उलेज्या यानादीगु उगु ज्याझ्वलय् कवः थाकुलिपिंत हनेज्या नं जूगु खः। ज्याझ्वलय् छगूनिसें झिगू तगिं तकया ब्वँमितय्त छात्रवृत्ति, एसएलसी, टेन प्लस टू, स्नातक व स्नातकोत्तरय् ताःलाःपिं ब्वँमिपिंत नायः सागरमान तुलाधरं हनापौ लःल्हानादीगु खः। बुरांख्यःया त्वाःछेँय् जूगु उगु ज्याझ्वलय् छ्याञ्जे अनिलरत्न तुलाधरं वार्षिक प्रतिवेदन व दांभरि प्रविनरत्न तुलाधरं आर्थिक प्रतिवेदन न्ह्यब्वयादीगु खःसा त्रिरत्न तुलाधरं लसकुस यानदीगु खः ।