थौं बाघभैरव जात्रा

किपुली थौं बाघभैरव जात्रा। न्हापा न्हापा बाघभैरवयाथाय् भाद्र १ गते कुन्हु विशेष पुजा जक याइगु खःसा ने.सं. १०७६ निसें भाद्र १ कुन्हु जात्रा हे न्यायेकेगु सुरु याःगु खः। थौं गुने लागां सुरु जुइगु खः जात्रा बाजं थानाः किपू देय् चाःहीकाः चान्हय् क्वचाइ। किपूया गुने लागाय् च्वंगु बाघ भैरव देगःया संस्थापक जुजु सदाशिवदेव तृतिय (ने.सं. २१९-२४६) खः। उगु देगः ने.सं. ६३५, ९२३, ९४७, १०८७ व ११२६ स जीर्णोद्धार याःगु खः। बाघ भैरवया स्वंगू मूर्ति दु। देगलय् छगू, जात्रा यायेत मेगु अले किंबदन्ति कथं झवाः द्यवं दयेकूगु धाःगु चायागु मूर्ति। थ्व स्वंगू मूर्ति मध्ये झवाः द्यवं दयेकातःगु धाःगु चायागु मूर्ति सामान्य रुपं पिने क्यनेगु याइ मखु ।