बार्सिलोनायात स्पेनिस सुपर कप

स्पेनिस सुपर कप

स्पेनिस फुटबल टिम बार्सिलोनां थःगु चिरपरिचित प्रतिद्वन्द्वी रियल म्याड्रिडयात बुकाः स्पेनिस स्पुर कप त्याकूगु दु । लिप्पांगु कासाय् निगू गोलया विरुद्ध स्वंगू गोलं रियलयात ल्यूने लाकूसें बार्सिलोनां एर्गिगेटय् ५-४गोलं विजय जूगु खः ।

रियलया घरेलु मैदानय् न्हापांगु कासा म्हितुगु बार्सां थःगु हे घरेलु मैदान नोउ क्याम्पय् तसकं रोमाञ्चक कासा न्ह्यब्वसें निगूगु कासाय् रियलयात बुकूगु खः । बार्सां एनेस्तां १५औं मिनेटय् याःगु गोल मार्फत कासाय् अग्रता काःगु खःसा वया न्यागू मिनेट लिपा हे रोनाल्डों गोल यानाः कासायात छगू-छगूया बराबरीइ हःगु खः ।

न्हापांगु हाफ क्वयचये न्ह्यः बार्साया स्टार कासामि मेसिं छगू गोल यानाः न्हापांगु हाफय् बार्सायात न्ह्यःने लाकूगु खः । लिपा ८२औं मिनेटय् रियलया निंतिं बेन्जेमां छगू गोल थप यानाः हानं कासायात बराबरीइ हःगु खः ।

न्हापांगु हाफया लिप्पांगु मिनेटय् गोल यानाः कासायात बराबरीइ हःगु मेसिं कासा क्वचाये निगू मिनेट न्ह्यः थप छगू गोल यानाः बार्सायात कप त्याकेत ग्वाहालि याःगु खः ।

More Stories Like this