मनपाय् खुया यंकूगु हल्ला

येँ (सन्ध्या टाइम्स)/येँ महानगरपालिकाया बागदरबारय् च्वंगु ज्याकूया प्रशासन विभागया क्वथाया खापाय् च्वंगु छेस्किन लिकया तःगुलिं खुया यंकूगु आशंका याःगु दु। थौं सुथय् जनपद प्रहरीत वयाः अन अनुसन्धान याना कथूगु खःसां छुं नं खुया यंकूगु धाःसा खने मदु धकाः कर्मचारीतय्सं धाःगु दु। उगु क्वथाय् ध्यबा मदुसां थीथी फाइलत धाःसा दुगुलिं गनं वहे फाइल जकं छुं याःगु मखुला धकाः आशंका याःगु दु। महानगरपालिकाया मू गेटय् हे नगर प्रहरी दइगु अवस्थाय् ज्याकूया छेस्किन स्यनाच्वंगुलिं अन थीथी आशंका जुयाच्वंगु दु ।