नेवाः भाय् बारे अमेरिकाय् कार्यशाला

येँ (सन्ध्या टाइम्स)/वंगु गुंपुन्हि कुन्हु अमेरिकाय् नेवाः भाय्या बारे छगू कार्यशाला गोष्ठी जुल। नेवाः व नेवाः भाय् प्रति मतिना दुपिं अमेरिकीतय् दथुइ जूगु उगु कार्यशालाय् नेवाः भाषा व संस्कृतिविद् लिसें नेवाः विज्ञान जर्नलया सम्पादक दयारत्न शाक्यं ज्यापौ न्ह्यब्वसें नेवाः संस्कृति, धर्म, संस्कार, जात्रापर्व आदि बारे पूवंक कनादीगु खः। पोर्टल्याण्ड स्थित नृत्यमण्डल महाविहारय् चचागुरु प्रज्वलरत्न वज्राचार्य व दाता हेलेन एपेलया कुतलय् उगु ज्याझ्वः जूगु खः ।