मोबाइल व मोटरबाइक प्रतिबन्ध
भोत (सन्ध्या टाइम्स)/थनया जनागालस्थित नाइटिंगेल उच्च माविं कन्हय् भदौ १ गतेनिसें लागू जुइकथं स्कूलय् मोबाइल व मोटरसाइकल प्रतिबन्धित याइगु जूगु दु। थुकिया लागिं स्कूलं छगू आचार संहिता हे तयार यानाः जारी समेत यायेधुंकूगु दु ।
न्हूगु आचारसंहिता कथं स्कूल लागा दुने मोबाइल प्रयोग याःगु खन धाःसा मोबाइल कयाः न्हापांगुखुसी ५०० तकाः बं पुइकेगु, निक्वःगुखुसी १००० तका बं पुइकेगु व स्वक्वःगुखुसी नं ज्वन धाःसा मोबाइल हे जफत यायेगु जुइ ।
आवंलि स्कूलय् विद्यार्थीतय्सं अनिवार्य रुपं स्कूलया पोशाक पुना वयेमाःगु, सँ ताःहाकः लही मदइगु, मुन्द्री तया वये मदइगु व कलेजं काइगु फुक्कं परीक्षाय् अनिवार्य रुपं सहभागी जुइ हे माःगु खँ नं आचार संहिताय् उल्लेख यानातःगु दु। ८० प्रतिशत कक्षाय् मवइम्ह विद्यार्थीयात जाँचया फाराम तकं भरे मयाकेगु खँ नं धाःगु दु ।
