बार्सिलोना व रियाल मेड्रिड दथुइया कासा बराबरीइ क्वचाल

स्पेनिस सुपर कप

स्पेनिस सुपर कप फुटबल कासाय् चीर प्रतिद्वन्दि बार्सिलोना व रियाल मेड्रिडं बराबरी कासा म्हितूगु दु । रियाल मेड्रिडया कासाख्यः बेर्नाबाउलय् जूगु उगु न्हापांगु लेगय् निखेरं निगू-निगू गोल जूगु खः ।

बार्साया लागिं डेभिड भिल्ला व लियोनल मेस्सीं छगू-छगू गोल याःगु खः । उखे मोसुट ओजीलया गोलपाखें न्ह्यःने लाःगु रियालं जाबी अलोन्सोया गोलं बार्सायात बराबरी पंगु खः ।

सुपर कोपा दि स्पानाया नामं परिचित थुगु कासाया निगूगु लेगया कासा वइगु बुधवाः बार्सिलोनाया कासा ख्यः नोउ क्याम्पय् जुइ । उगु कासाय् बार्साया सेस फेब्रिगास नं म्हितीगु पक्का जूगु दु । इंगलिस प्रीमियर क्लब आर्सनललिसे सैद्धान्तिक सहमति यायेधुंकाः बार्सा फेब्रीगासयात स्वीगू मिलियन पाउण्ड पुलाः बार्सा हःगु खः ।

More Stories Like this