नेवाः एफ.एम. १०६.६ मेगाहर्जय् 'लकस' ज्याझ्वः [अडियो]

भाषा साहित्य व संस्कृतिया सः नेपालभाषा एकेदमिया न्ह्यब्वया नेवाः एफ.एम. सच्छि व खु फुति खु मेगाहर्जया लागि संचार नेपालया न्ह्यब्वया 'लबु' ज्याझ्वः दुने न्हियांन्हिथं सुथसिया ७:३० ताः इलंनिसें ८:०० ताः ई तक न्ह्याइगु ज्याझ्वः ख: 'लकस' । थुगु ज्याझ्वः समसामयिक विषययात कःघाना व विषयनाप स्वापू दुम्ह छम्ह पाहाँलिसेया खँल्हाबल्हा न्ह्यब्वयेगु खः ।

थौंया थुगु 'लकस' ज्याझ्वलय् सायाःया लसताय् 'लबु' ज्याझ्वः दुने थुगु नेवाः एफ.एम. १०६.६ मेगाहर्जय् न्ह्याकाच्वनागु ख्यालःनखः हनागु जुल । अले पाहाँकथं किपूया च्वमि, स्यनामि व प्याखँम्वः भाजु नरेन्द्र महर्जन 'NRD' झायादीगु खः ।

भाजु लक्ष्मी कुमार महर्जन 'उदासं' न्ह्याकादीगु थुगु ख्यालःनखः ज्याझ्वः पूवंक न्यनेत क्वय्च्वंगु प्लियरय् क्लिक यानादिसँ ।

More Stories Like this