माओवादीया न्हूगु निर्णय

प्रम चुनाव बहिष्कार याइगु
येँसन्ध्या टाइम्स÷न्हूम्ह प्रधान- मन्त्री ल्ययेत कन्हय् सदनय् जुइगु निर्वाचनयात नेकपा माओवादीं बहिष्कार याइगु जूगु दु । थौं सुथय् प्रधानमन्त्री निवास बालुवाटारय् च्वंगु माओवादी केन्द्रीय सचिवालयया बैठकं उगु निर्णय याःगु खः ।

बैठकय् थीथी राजनीतिक पार्टीतय् दथुइ खँल्हाबल्हा जूसां थःपिनि माग बारे धाःसा राजनीतिक पार्टीतय्सं छुं हे चिउताः मक्यंगुिलं थःपिनि असहमति क्यनेत माओवादीं कन्हय्या सदन बहिष्कार यायेमाःगु खः धाःगु दु ।

उखे प्रधानमन्त्री पुष्पकमल दाहाल ुप्रचण्डंु व्यवस्थापिका संसदय् थौं संवोधन यानादीत्यंगु दु । वय्कःया संवोधन लिपा हे अवरुद्ध जुयाच्वंगु संसद नं सुचारु जुइगु जूगु दु । प्रम प्रचण्डं म्हिगः हे संसदय् संवोधन यायेगु ज्याझ्वः दुगु खःसां नं म्हिगः संकल्प प्रस्ताव बारे विवाद जूगुिलं वय्कलं थौं जक संवोधन यायेत्यंगु खः ।

प्रधानमन्त्रीया संवोधन लिपा थौं हे न्हूम्ह प्रधानमन्त्रीया निर्वाचन तालिका नं सार्वजनिक यायेगु तयारी जुयाच्वंगु दु । उकिया िनंितं कार्य- व्यवस्था समितिया बैठक नं च्वनाच्वंगु दु । प्रमया संवोधन लिपा सरकार गठन यायेगु िनंितं राष्ट्रपितं छ्वयाहःगु पौ नं थौं हे ब्वनाः न्यकी ।

निर्वाचन कार्यतालिका कथं कन्हय् १० निसें १ बजे तक प्रधान- मन्त्रीया नां दर्ता यायेगु ई क्वःछिनातःगु दु । उगु इलय् तक छम्ह स्वयां अप्वः उम्मेदवारी लात धाःसा प्रधानमन्त्रीया निर्वाचन जुइ यदि छम्हेसिया जक उम्मेदवारी लात धाःसा सभामुखं निर्विरोध घोषणा याइ ।
प्रधानमन्त्री पदय् माओवादी- पाखे नं उम्मेदवारी बीगु चर्चा जुया- च्वंगु खःसां थौं सुथय् च्वंगु सचिवालय बैठकं प्रधानमन्त्री पदय् उम्मेदवारी मबीगु निर्णय याःगु खँ सीदुगु दु । थ्वयां न्ह्यः संसदय् उपस्थिति क्यनेगु िनंितं जक जूसां माओवादीं प्रधान- मन्त्रीया चुनावय् उम्मेदवारी बीगु धयातःगु दु । उकिया िनंितं माओवादीं सभासद् झक्कुप्रसाद सुवेदीयात उम्मेदवार दयेकेगु खँ प्रचारय् हःगु खः । संविधानसभाया चुनावय् येँया २ नम्बर क्षेत्रय् एमालेया तत्कालिन महासचिव माधव नेपालयात माओवादीया झक्कुप्रसाद सुवेदीं हे बुकूगु खः ।