'अन्तिम बुँदा पूवन'

येँ (सन्ध्या टाइम्स)/सभामुख सुवास नेम्वाङं न्यागू बुँदाया न्यागूगु नम्बरय् लानाच्वंगु बुँदा कथं प्रधानमन्त्री झलनाथ खनालं राजीनामा बियादी धुंकल, आः ल्यंदनिगु बुँदा नं कार्यान्वयन यायेमाः धयादीगु दु। न्यागू बुँदा मध्ये महत्वपूर्णगु बुँदा संविधानया मस्यौदा तयारी व राष्ट्रिय सहमतिया सरकार खः धासें आः उखेपाखे लगे जुइमाःगु खँ नं वय्कलं धयादीगु दु। थौं संसदया अन्तर्राष्ट्रिय सम्बन्ध तथा मानव अधिकार समितिं याःगु गोष्ठीइ न्ववासें वय्कलं धयादिल 'सहमतीय सरकारया विकल्प मदु ।'