देय्न्यंकंया गाविस ठप्प

येँ (सन्ध्या टाइम्स)/थनिनिसें गाविस सचिव हकहित संरक्षण केन्द्र नेपालं देय्न्यंकंया गाविस ठप्प याःगु दु। गाविस सचिवतय्गु तलब भत्ता गाविसय् वनीगु अनुदानपाखें हे व्यवस्था यायेगु धकाः स्थानीय विकास मन्त्रालयं जारी याःगु परिपत्रया विरोधय् सचिवतय्सं थ्व आन्दोलन याःगु खः। केन्द्रया अध्यक्ष भवानी प्रसाद घिमिरें छगू विज्ञप्ति पितबिसें उगु व्यवस्था तत्काल खारेज यानाः साविक व्यवस्था हे कायम यायेत माग याःगु दु। थःपिनि माग पूरा मजुल धाःसा भदौ २ गतेनिसें देय्न्यंकंया गाविसतय्गु छाप मन्त्रालयय् लःल्हायेगु खँ नं धाःगु दु ।