म्यानयु त्यात / चेल्सी, आर्सनल व लिभरपुल बराबरीइ

इंग्लिस प्रिमियर लिग

इंग्लिस प्रिमियर लिगया न्हापांगु लिग कासाय् उपाधिया दावेदार कथं कयातःगु तःधंगु क्लवतय्गु शुरुवात बांलाःगु खनेमन्त ।

आइतवाः बहनी जूगु कासाय् डिफेन्डिङ्ग च्याम्पियन म्यानचेष्टर युनाइटेडं वेष्ट ब्रोमयात छगूया विरुद्ध निगू गोलं बुकाः थःगु सुखद यात्राया शुरुवात याःगु दुसा उपविजेता चेल्सी धाःसा स्टोक सिटी लिसे बराबरी कासा म्हितेत बाध्य जूगु दु । अथेहे मेमेगु क्लव आर्सनल व लिभरपुलं नं थःथःगु कासा बराबरी म्हितेमाल ।

शनिवार चान्हय् जूगु कासाय् आर्सनलं न्यूक्यासललिसे गोलरहित बराबरी कासा म्हितूगु खःसा लिभरपुलं सण्डरल्याण्डलिसेया कासाय् निखेरं छगू-छगू गोल जुयाः कासा बराबरी म्हितेत बाध्य जूगु खः ।

मेमेगु कासाय् बोल्टनं नवप्रवेशी क्वीन पार्क रेन्जरयात प्यंगू गोलं बुकूगु दुसा वेल्भरह्याम्पटनं ब्लाय्कबर्नयात छगूया बिरुद्ध निगू गोलं बुकेत ताःलाःगु दु ।

More Stories Like this