नांजाःम्ह प्याखंम्वः शम्मी कपुर मन्त

बलिउडया तसकं नांजाःम्ह प्याखंम्वः शम्मी कपुर आइतवा: सुथय् मन्त । मृगौलां ज्या मयायेवं डाइलासिस याकाः वयाच्वंम्ह न्ह्यगुदँया कपुर मुम्बइया बीच क्याण्डी अस्पतालया गहन चिकित्सा ईकाइलय् मदुगु खः ।

कपुरया अन्तिम दाह संस्कार सोमवा: याइगु जानकारी नं ब्यूगु खः । सन् १९५३ निसें बलिउडय् अभिनय न्ह्याकूम्ह कपुरं न्हापांगु खुसिइ चलचित्र "जीवन ज्योति"सं अभिनय यानादीगु खः ।

१९६१ सं चलचित्र 'जंगली' पाखें तसकं बयबय जूम्ह कपुरया वास्तविक नां शमसेर राज कपुर खः । २१ अक्टुबर १९३१ सं जन्म जूम्ह शम्मी कपुर भारतीय रंगमंचया नांजाःम्ह प्याखँम्वः पृथ्वीराज कपुरया माहिलाम्ह काय् खः । वय्कःया दाजु राज कपुर व किजा शशि कपुर खः ।

More Stories Like this