गुन्हुपुन्हि हन

शरिर लिसे आध्यात्मिक शुद्धताया नितिं थःथगु नाडीइ रक्षाबन्धन चिना थौं रक्षा बन्धन नख हंगु दु । ब्राम्हण तागाधारीतय्सं थौं पुलांगु जनै वांछ्वया मन्त्र साधना यागु न्हुगु जनै तइगु जुगुिलं थौंया दिंयात जनैपूर्णिमा नं धायेगु याइ ।

रक्षाबन्धन कथं ब्राम्हण पुरोहिततपाखें मन्त्रोच्चारण याना नाडीइ चिनातगु उगु काःयात स्वन्तिया सा पुजाया दिं साया न्ह्यपनय् चिना बिलकि बैतरणी थ्यंकेत अपुइगु धार्मिक विश्वास दुगु ख । थौंया दिं कश्यप अत्रि भारद्वाज गौतम जमदग्नी बसिष्ठ व विश्वामित्र याना सप्तऋषी लिसे अरुन्धतीयात नं तर्पण बिइगु जुगुलिं जनैपूर्णिमा नखयात ऋषीतर्पणी नं धायेगु याइ । थौंया दिं थीथी गुता बुब व लैंचा घाँय् लगायत तया क्वाति त्वनेगु चलन नं दु । नेवाः समुदायं थौंया दिं थथगु बुँइ वना ब्यांचातय्त पूजा याना जा नकेगु चलन दु ।

श्रावण शुक्ल पूर्णिमानिसें अष्टमीतक्क गुन्हुतक्क हनीगु थुगु नखयात गुन्हु पुन्ही धायेगु याइ । थुगु दिंनिसें नेवा समुदायलय् करुण रसं जागु सिलु तीर्थ म्ये हालेगु चलन नापं दु । जनैपून्हिया हे लसताय् रसुवाया गोसाईंकुण्ड गोसाईंकुण्डया लः वगु विश्वास दुगु यलया क्वति अर्थात बंगलामुखि काभ्रे बनेपाया बुडोल दोलखाया कालिन्चोक भगवति लिसे धनुषाया गंगासागर नगरकोटया महादेव पुखुलिइ सुथंनिसिें मेला न्ह्यागु ख ।

More Stories Like this