सिरियाय् प्रतिबन्ध तयेत शक्ति राष्ट्रतय्त अमेरिकाया इनाप

अमेरिकां चीन भारत रुस लगायतया शक्ति राष्ट्रतय्त सिरियाय् प्रतिबन्ध तयेत इनाप याःगु दु । सिरियालिसे धिसिलागु स्वापू दुगु एशियाली व युरोपेली शक्ति राष्ट्रतय्सं प्रतिबन्ध तःसा राष्ट्रपति बशर अल असदयात दवाब जुइगु व राजनीतिक सुधार जुइगु अमेरिकाया बिचा ख ।

सी।बी।एस। न्यूजयात अन्तवार्ता बियाः अमेरिकी विदेशमन्त्री हिलारी क्लिन्टनं अमेरिकां थें हे मेमेगु शक्ति राष्ट्रतय्सं सिरियाय् प्रतिबन्ध तयेमागु जानकारी ब्यूगु ख ।

वय्कलं सिरियायात ल्वाभ मीगु बन्द यायेत व ऊर्जा उद्योगय् प्रतिबन्ध तयेत रुसयात इनाप नं यागु दु । ऊज्ार्ा उद्योग सिरियाया आम्दानीया तधंगु स्रोत ख ।

थ्वहे दथुइ प्रदर्शनकारीतदथुइ दमन मयायेत धासें अन्तर्राष्ट्रिय दवाव अप्वया च्वंगु इलय् सिरीयाय् सेनां विद्रोहीतय्त नियन्त्रणय् कायेत थप अभियान न्ह्याकूगु दु । सेनां उत्तर पश्चिमी शहर सरागेव व होम्स शहरय् कार्बाही न्ह्यःने न्ह्याकूगु ख ।

थुगु अभियानया भुवलय् जूगु घटनायात कया धासा छु नं विवरण मवनीगु जानकारी नं ब्युगु ख । राष्ट्रसंघ अमेरीका युरोप अरब लिग टर्की लगायतया विरोधया दथुइ सिरीयाली राष्ट्रपति वसर अल असदं देय्या सार्वभौमिकता ल्यंकेत न्ह्यात्थेंज्यागु पला नं न्ह्याकेगु जानकारी बिया सत्ता त्वतेत अस्वीकार यागु दु ।

More Stories Like this