नेवाः राज्यया लागिं मसाल व सिठ्ठी जुलुस
येँ (सन्ध्या टाइम्स)/नेवाः स्वायत्त राज्य सुनिश्चित यायेमाःगु माग यासें नेवाः स्वायत्त राज्य मंकाः संघर्ष समितिं वइगु भदौ १४ गते न्ह्यः सिठ्ठी व मसाल जुलुस पिकाइगु जूगु दु। म्हिगः च्वंगु संघर्ष समितिया मुँज्यां उगु ज्याझ्वः यायेगु निर्णय याःगु खः। मसाल जुलुस नापं सिठ्ठी जुलुस यायेगु दिं धाःसा मेगु मुँज्यां क्वःछी धाःगु दु। थ्व हे झ्वलय् वइगु भाद्र ४ गते नेवाः स्वायत्त राज्य व संघीयताया विषययात कयाः यलया अशोक पार्टी प्यालेसय् मूमू राजनीतिक दलया नेतातय्त सःताः तःजिक अन्तर्क्रियात्मक ज्याझ्वः याइगु जूगु दु। एकीकृत माओवादीया अध्यक्ष प्रचण्ड, नेपाली कांग्रेसया सभापति सुशील कोइराला, एमालेया अध्यक्ष झलनाथ खनाल व मधेसवादीपाखें महन्थ ठाकुरयात पाहां कथं ब्वनाः तःजिक अन्तर्क्रियात्मक ज्याझ्वः यायेत्यंगु खः ।
