प्रमया राजीनामा कन्हय् १२ बजे लिपा

येँ (सन्ध्या टाइम्स)/प्रधानमन्त्री झलनाथ खनालं शान्ति व संविधानया ज्याय् 'ब्रेकथ्रु' जुइ कथंया उपलब्धी चूलाकेगु लागिं कन्हय् न्हिनय् १२ बजे तक कुतः याइगु व अबलय् तक नं छुं उपलब्धी चूमलात धाःसा राजीनामाया प्रक्रिया न्ह्यःने न्ह्याकादीगु जूगु दु। थौं 'सन्ध्या टाइम्स'लिसे खँ ल्हासें प्रमया प्रेस सल्लाहकार सूर्य थापां प्रमं थौं हे राजीनामा बीगु चर्चा दुसां वय्कलं थौं राजीनामा बियादी मखु धासें राजीनामाया खँ कन्हय् न्हिनय् १२ बजे लिपा जक सी दइगु जानकारी बियादिल ।