परियत्तिया सिरपाः

यल (सन्ध्या टाइम्स)/यल आदर्श सरल माध्यमिक विद्यालयया दँमुँज्या व दिपंकर परियत्ति शिक्षाय् ताःलाःपिंत सिरपाः लःल्हायेगु ज्या जुल। बर्माया सयादो भन्तेया सभापतित्वय् जूगु उगु ज्याझ्वलय् मूपाहां कथं समाजसवी मोतिलाल शिल्पकार झाःगु खःसा वय्कलं दिपंकर परियत्ति ताःलाःपिं नीन्याम्ह ब्वँमिपिंत सिरपाः लःल्हानादिल। ज्याझ्वलय् ब्वनेकुथिया प्रगति प्रतिवेदन मय्जु अमिता धाख्वालं न्ह्यब्वयादीगु खःसा आर्थिक प्रतिवेदन बुद्धरत्न शाक्यं न्ह्यब्वयादीगु खः ।