साउन ३० गते निसें झिंनिदँया सिकाली मेला जुइगु
प्रत्येक दँय् खोनाय् न्यायेकाः वयाच्वंगु सिकाली जात्राया थुगुसी झिंनिदँया मेला जुइगु जूगु दु । दँय्दसं गुंलागा पारू निसें झिंन्यान्हु तक जुइगु सिकाली जात्रा थुगुसी झिंनिदँया जात्रा यानाः हनीगु जूगु दु ।
सिकाली माजुया झिंनिदँया जात्राया लसताय् बिहीवाः छगू पत्रकार सम्मेलन यानाः थुगुसीया झिंनिदँया मेला वइगु गुंलागा दुतिया (साउन ३० गते) निसें सुरू जुइगु जानकारी बिउगु खः ।
लिधंसँ पासा पुचःया नायः शरण गोपाल डंगोलया सभाध्यक्षताय् जूगु उगु ज्याझ्वलय् न्वकु बुद्धिकृष्ण महर्जनं ज्याझ्वःया तातुनाः नापं लसकुस यानादीगु खः । अथेहे सिकाली माजु जात्रा व खोनाया म्हसीकाः पुचःया दुजः विष्णु गोपाल डंगोलं बियादीगु खः ।
जात्रा सम्बन्धी थीथी भिजुअल नं क्यंगु उगु ज्याझ्वलय् पत्रकारपिनिगु न्ह्यसःया लिसः ताःद्यः द्यःया नायः धनबहादुर डंगोल, नन्यः द्यः कान्छा डंगोल व द्यःपिं बेखानर महर्जन, दिलबहादुर डंगोल व पुचःया सल्लाहकार कृष्णहरि डंगोलं बियादीगु खः ।
ज्याझ्वलय् नेपाः राष्ट्रिय पार्टीया नायः डा. केशवमान शाक्य, नेवाः देय् दबूया नायः नरेश ताम्रकार, नेपालभाषा मंकाः खलःया छ्याञ्जे नरेशवीर शाक्यया लिसें आपालं पत्रकारपिनिगु उपस्थित दुगु खः ।
लिधंसा पासा पुचः खोना व सिकाली माजु झिंनिदँ जात्रा व्यवस्थापन समितिया ग्वसालय् जूगु उगु पत्रकार सम्मेलन येँया भृकुटी मण्डपस्थित पर्यटन बोर्डय् जूगु खः ।
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
