अफगानिस्तानय् सीम्ह सैनिक नेपाःमि

येँ (सन्ध्या टाइम्स)/वंगु शनिवाः अफगानिस्तानय् छम्ह नेपाःमि सेना सीगु पुष्टि जूगु दु। उकी सीम्ह नेपाःमि किसनबहादुर थापा फ्रान्सया सेना जुयाः अफगानिस्तानय् च्वनाच्वंम्ह खः। ३० दँया थापा स्यांजाय् च्वंम्ह खः। उगु घटनाय् लानाः थापा नापं छम्ह अफ्रिकी मुलुकया फ्रान्सेली सेना नं सीगु दुसा मेपिं न्याम्ह घाःपाः जूगु खः। स्याङजाया पकवादी लागाय् छेँ जुयाः थौंकन्हय् थापाया छेँजःपिं पोखराया सिर्जनाचोकय् च्वनाच्वंगु दु। थापाया कलाः व खुदँ दुम्ह काय दु। थापा सीगु खबर न्यनेवं कलाः बेहाश जूगु खःसा लिपा अस्पताल यंकाः तिनि लित हःगु खः। थापाया लाश कायेत थःथितिपिं फ्रान्स वंगु दु ।